"Sige na nga," hindi nagdalawang-isip si Shaine. Umupo siya sa tabi ni Albert. "Anong pahina ba iyan?"
"Page 134," sagot ni Albert. Kinuha ni Shaine ang libro ni Albert sa Physics at binuklat ang libro sa nasabing pahina. Binasa niya ang nasabing leksyon at tinuruan niya si Albert.
Habang nagtuturo si Shaine, hindi mai-alis ni Albert ang kanyang tingin kay Shaine. Ang tingin niya kay Shaine ay napakamagiliw kung tutuusin.
"Oo naturuan na kita," sabi ni Shaine pagkatapos ng labin-limang minutong pagtuturo niya nito sa kanya. "Aalis na ako." Tumayo si Shaine at dali-daling umalis. Hindi niya narinig ang pagpigil ni Albert sa kanya.
Nang mawala na sa paningin ni Albert si Shaine, umupo siya sa upuan. Dito'y nilapitan siya ng isang kaibigan. "Sayang talaga at hindi mo naibigay sa kanya ang sulat mo," sabi ng kaibigan.
"Tama ka nga, Kiko," sagot ni Albert sa kaibigan. Binuklat ni Albert ang librong Physics sa pahinang 143 at dito may isang maliit na papel. Kinuha niya ang papel at pupunitin niya ito ngunit hindi niya magawang punitin ito. Kaya ibinalik niya ito sa libro.
Samantala si Shaine naman ay nakarating na rin sa kanyang silid-aralan. Naghihingal ito dahil tumatakbo ito. At tamang-tama namang wala pa ang guro niya. Umupo siya sa kanyang kinauupuan. "So, anong nangyari sa study lesson ninyo ni Albert?" tanong ni Liza na katabi lamang ni Shaine.
"Okay naman," sagot ni Shaine. Inilapag niya ang bag niya sa sahig. "Hindi ko alam kung nakikinig ba iyon sa akin."
"Bakit naman?" tanong ni Liza.
"Eh, palagi naman niya akong tinitigan," sabi ni Shaine.
"Ahh ganun pala," sabi ni Liza. "Shaine by the way, malapit na pala ang prominade."
"Oo nga pala, malapit na pala ang February 14!" napangiti si Shaine. Marahil ay excited siya sa prominade na iyon.
"So what are your plans?" tanong ni Liza. "Ako kasi magsusuot ako ng gown at mag-aaply ng makeup. Ikaw?"
"Well, hindi ko alam. Wala pa kasi akong susuotin pero... maybe a week before baka meron na."
"Okay," tumigil sandali si Liza at nagtanong. "Shaine, sino ba ang ka-partner mo sa prom?"
